विश्वविद्यालय र विद्यालयबाट २ महिनाभित्र दलीय विद्यार्थी संगठन हटाउने सरकारको निर्णय
२२ साउन २०८३, शुक्रवार
सुनवलमा छोराले गरे बाबुसहित दुईको हत्या, कोदालोले हानेर ढलाएपछि काटेर टाउको अलग बनाएका थिए
पश्चिम नवलपरासीको सुनवल नगरपालिका–२ अमरैयामा २५ वर्षीय एक युवाले आफ्नै बाबुसहित दुई जनाको हत्या गरेका छन् ।
स्थानीय २५ वर्षीय हेमराज थारुले आज शुक्रवार बिहान करिब १०ः३० बजे ५० वर्षीय बुबा जयराम थारु र छिमेकी ७० वर्षीय नाथु धरिकारको हत्या गरेका हुन् । कोदालो प्रहारबाट उनीहरू दुवै जनाको घटनास्थलमै मृत्यु भएको थियो ।
सो वडाका वडा सदस्य विकास क्षेत्रीका अनुसार, हेमराजले बुबा जयरामलाई कोदालो प्रहार गरेको देखेपछि नाथु धरिकाल छुट्याउन गएका थिए । उनलाई समेत हेमराजले जथाभाबी कोदाले प्रहार गरेका थिए ।
वडासदस्य क्षेत्रीका अनुसार, कोदालोले हानेर ढलाएपछि काटेर टाउको अलग बनाइएको थियो ।
हेमराजलाई प्रहरीले नियन्त्रणमा लिइसकेको छ । प्रहरीले घटनास्थलमा कोदालो बरामद गरेको छ भने हत्या किन र कसरी भयो भन्ने विषयमा प्रारम्भिक अनुसन्धान जारी रहेको जनाएको छ ।
स्थानीयका अनुसार हेमराज केही समयअघि मानसिक समस्याबाट ग्रस्त थिए । उपचार गराएपछि ठीक भएको थियो ।
चौधरीको छिमेकीसमेत रहेकी सुनवल–२ की वडा सदस्य लक्ष्मीकुमारी हरिजनले हेमराजले बुवासँग पटक पटक विवाह नगराएको भन्दै विवाद गर्दै आएको बताइन् ।
Follow us on Facebook
Follow us on Twitter
Follow us on Instagram